Сардаҥа ардаҕа: сэһэн

Автор

Яковлев Василий Васильевич

Заглавие

Место издания

Якутскай

Издательство

Саха сиринээҕи кинигэ издательствота

Год издания

1970

Количество страниц

136 с.

Краткое содержание

Бэрт кыратык уруккуттан Болот Борисович Арбатскай дьыалаҕа принципиальнай сыһыаны сөбүлүүр, чиэһинэй, эдэр киһи.
1944 сыллаахха Кыһыл Армия кэккэтигэр ыҥырыллан фроҥҥа икки эрэ ый сылдьыбыта, ыараханнык баас ылан госпитальга сыппыта, онтон төттөрү дойдулаабыта. Дойдутугар кэлэн педучилищены бүтэрэн, Пединститутка киирэн физматы талбыта. Эргиччи бэрдин иһин үс сыл устата аспирантураҕа үөрэнэр, ол кэннэ Ядернай физика институтугар үлэлии киирэр.
Якутскай куораттан эмиэ ыраах, хоту, аата-суола биллибэтэх биир кырдьаҕас куоракка эмиэ биир саҥа обсерватория аһыллар. Обсерватория олус кыахтаах, бөдөҥ былааннардаах, үлгүмнүк үлэҕэ турунар. Валериан Иосифович Кылбановскай – обсерватория директора, наукаҕа элбэх үтүөлээх, кырдьаҕас үлэһит, эрчимнээх, хорсун киһи. Кини дьүкээбил уотун үөрэтэр лабораторияны салайар.
Арбатскай научнай-чинчийэр институтун хаалларан, Аан дойдутааҕы геофизическай сыл сабыдыалынан суһаллык тэриллибит Саха сиринээҕи обсерваторияҕа сотруднигынан ананан барар. Кини ЛВЭ (лаборатория высоких энергий) лабораториятыгар баҕарбат эрээри сэбиэдиссэйинэн ананар.
Болот Борисович лабораториятын сүһүөҕэр туруорар санаалаах, үлэтигэр элбэх идеялаах, былааннардаах. Ол курдук, диссертациятын көмүскүүр, космическай сардаҥаны үөрэтээччилэр Аан дойдутааҕы конференцияларыгар Японияҕа кыттыыны ылар, ЛВЭ установкатын бырайыактыыр.
Учуонай буолуу диэн бу охсуһуу эбит. Өй-санаа эрэ охсуһуута буолбатах, тустаах дьыала туһугар, кырдьык сымыйаны кытары, үтүө быһыы сидьиҥ быһыыны кытары охсуһуута, биир эт-хаан атын эти-хааны кытары киирсиитэ буоларын көстөр бу сэһэҥҥэ. Арбатскай саһа, бүгэ сылдьыбакка киирсиэх тустаахпын диэн санаалаах. Оннук киниэхэ утары турар киһинэн директор Кылбановскай буолар. Коллектив Кылбановскайы сөбүлээбэт, утары барар. Дьон инициативатын тууйарын, киһи санаатын истибэтин, куруубайдыырын, улаатымсыйарын, үөҕэрин иһин, аны научнай өттүнэн эмиэ кыаҕа суоҕун, таһыма намыһаҕын, аныгы көрдөбүлгэ эппиэттээбэтин, ол иһин обсерватория үлэтэ мөлтөх, көтүмэх диэн санааҕа кэлэр. Кылбановскай Арбатскайы ордук санаан, ымсыы быһыыланар, соруйан үлэтин атахтыы сатыыр. Ол курдук, Болот Борисович научнай арыйыытын бэчээккэ соруйан хойутатар, Нелла Викторовналыын сыһыаннарыгар туораттан кыттыһан сымыйа айдаан сурах тарҕатар, Арбатскайы үлэтиттэн туората уурата сатыыр уо.д.а.
Онон бу сэһэҥҥэ үөрүү да, өрөгөй да баар, охсуһуу да баар, учуонайдар оннук бүппэт мөккүөрдээх олохторо дьиҥ итэҕэллээхтик ойууланар.

Кинигэ ис хоһоонун кылгастык кэпсээтэ вед. библиотекарь Нария Васильева, СӨ национальнай библиотеката, Оҕо ааҕар киинэ

Оглавление/содержание

Библиографическая запись

Яковлев, Василий Васильевич (поэт, прозаик, переводчик; 1934-1994).
Сардаҥа ардаҕа : Сэһэн. - Якутск : Якуткнигоиздат, 1970. - 132 с.

Включен в подборки

Войдите в систему, чтобы открыть документ

Вам будет интересно